Nanoq Media Pillugu

Nanoq Media Nunatsinni TV-utileqatigiit peqatigiiffiini pisoqaanerpaavoq, 11-inik ulloq naallugu sulisartunik arlalinnillu freelancerinik sulisoqartoq.

Peqatigiiffiugattalu illit ilaasortatut sunniuteqaqataasinnaavutit.

Nanoq Media sisamanik immikkoortortaqarfeqarpoq:

NANOQ-NEWS_2016_Blå

Kalaallisut qallunaatullu ulluinnarni nutaarsiassiisarfik.
Nanoq Mediap ulluinnarni nutaarsiassiisarnerata saniatigut nipilersukkanik, immikkut sammisanik oqalugiaatinillu aallakaatitsisarfiuvoq.

Kalaallisut nutaarsiassat nal. 18.45-miit 1 time-kkaarlugu aallaatinneqartarpoq. Qallunaatullu 19.45-miit 1 time-kkaarlugu aallakaateqqinneqartarlutik.

Nutaarsiassat web-tv-kkoorlugu Nanoq Mediap facebookimi quppernera www.facebook.com/NanoqMedia/ atorlugu aamma isiginnaarneqarsinnaavoq.

NANOQ TV_2016_BLÅ

Nanoq Media nassitsissutit nunamiittut atorlugit tv-kkut signalinik nunarsuarmi siullersaalluni tunisassiortalerpoq.
1. august 2002 aallarnerfigalugu Nanoq Media (kunngeqarfimmi siullersaalluni) tv kanaalit digitaliusut Digital Video Broadcast (DVB-T) tunisassiarisalerpai.

Aallakaatitat digitaliusut europami tv-kkut aallakaatittakkat Nanoq TV-mit neqeroorutigineqartarput.
Nanoq Mediap kanaalit 48-t digitaliusut ullumikkut neqeroorutigisinnaavai. Kanaalit TV-pakkillu sorliunersut uani takusinnaavatit.

NANOQ FM_2016_BLÅ

2. september 2016 Nanoq Mediap raadioqarfia Nanoq FM aallakaatitsilerpoq.

Nanoq FM-ip Nanoq Mediamiit nutaarsiassat, silassat, aallakaatitassat inuusuttunit inuusuttunut suliarineqartunik, minnerunngitsumillu nunatsinniit, Danmarkimiit nunarsuullu sinneraniit nipilersukkanik nuannarineqartunik aallakaatitsisarfiulluni.

Nanoq FM 100 FM-ikkut tusarnaarneqarsinnaavoq.

NANOQ MEDIA_2016_BLÅ

TV-kkut raadiokkullu pilerisaarutinik tuniniaasarfipput.

Pilerisaarutit TV-kkoortut Nanoq Mediameersut Nuummi, Ilulissani, Qaqortumi, Aasianni Qasigiannguanilu isiginnaarneqarsinnaapput.
Raadiokkut pilerisaarutit Nuummiinnaagallartoq tusarnaarneqarsinnaapput.

NANOQ NET_2016_BLÅ

Internettimut attaviit akikitsut qaammammut 199,-niit akillit Nanoq NET-imiit neqeroorutigineqarput.

Nanoq NET-imiit internettimut attaveqaat 4G-uvoq, taamaammallu modem-it illoqarfimmi nassarlugu sumi tamaani internettersinnaalllutit.

Net1 Skandinaviami internettimut attaveqaatinik tunisassiortuusoq Nanoq NET-ip suleqatigisuuaa.

NANOQ PRODUCTION_2016_BLÅ

Nanoq Mediap tunisassiorfiata TV-mut aallakaatitassiorneq misilittagaqarfigilluarpaa.

Immikkoortortaqarfitsinni sulisut nassaassarsiullaqqissut tunniusimalluartullu ilaatigut TV-lerinermut filmiliornermullu misilittagaqarluartuusut atorpavut, taakkulu manuskriptiliornernik, suliniutinik aqutsinermut, tusagassiinerullu silarsuaani misilittagaqarluartuullutik.

TV-qarfitsinni tunisassiarisartakkavut suliatsinniillu qilanaartuutit uani takusinnaavatit.

Suleqatigut

Nanoq Media-mi sulisut.