Nanoq FM 2. september 2016 aallakaatitsilerpoq

Nanoq FM raadioqarfiuvoq sapaatip akunnera naavillugu tusarnaartartuminnut nutaarsiassisartoq, aliikkutassiisartoq, silassamik ilisarititsisartoq, unammitsitsisartoq bingortitsisartorlu. Tassa raadioqarfik kikkunnut tamanoortoq.

Nanoq FM Nanoq Mediamut atasuuvoq, ulloq naallugu atorfillit 3-nik, bingortoqassatillugulu sulisartut allat 5-nik sulisoqarluni.

Nanoq FM illoqarfiup raadioraa illoqarfimmullut tulluarsagaavoq – ilaatigut illoqarfiup suliffeqarfii, peqatigiiffii klubbit atuartullu klassii sinnerlugit ussassaarusiussisarluta.

Illoqarfik sullikkusoqaarput, unamminartut oqallisigisarlutigit, assigiinngissuserlu ukkattarlutigu – inuusuttuaqqanullu immikkut inissaqartitsilluta. Nunatsinnimi tusagassiutilerisutut kinguaariit nutaat inerisaaqataaffigerusukkatsigit.

Nanoq FM raadioqarfiuvoq siunissamut takorluugalik anguniagaqartorlu.

Nanoq FM 100 mhz-imi illit tusarnaarsinnaavat – aamma internettimi uunga iserlutit: https://tunein.com/radio/Nanoq-FM-s278373/ streamerlutit tusarnaarsinnaavat.