Ikiortigit

Apeqqutigineqakulanerusut uani takusinnaavatit. Apeqqutissat taakkunani ilaanersoq takuuk. Allamik apeqqutissaqaruit attaveqarfigiinnassavatsigut.


Kanalit dekoderimi sooruna takusinnaanngikkikka?

Akissutaa: 1. Antenne dekoderimut atanersoq misissoruk.

2. Dekoderi TV-mut atassusersimanersoq misissoruk.

Tilbage til toppen

TV-kortera ujaasitereeraluariga kanalinik takutitsisinnaanngilaq?

Akissutaa: Nanoq Media-mut sianerit kortilu matuneqarsimanersoq paasiniarlugu.

Tilbage til toppen

Kanalinik ujaasitikkaluarlugu sooruna nuisoqarneq ajortoq?

Akissutaa: 1. Dekoderi automatiskimik ujaasitillugu kanali ataaseq arlallilluunniit ilaanni alluinnartarpai.

2. Kanalit nammineq toqqararlugit ujaasitillugu misiliguk.

3. Angerlarsimafferni antennet sakkukippallaartumik tigooraavoq.

4. Antenneqarfiit iluamik aaqqitaasimanngilaq.

Tilbage til toppen

Korti signaleqanngitsoq allassimaleriasaarpoq?

Akissutaa: Korti peeriarlugu ikkuteqqiguk dekoderiluunniit/TV-luunniit qameriarlugu ikeqqillugu.

Tilbage til toppen

Nanoq Media qanoq kanalinik toqqaasarpa?

Kanalit Nanoq Media-p neqeroorutaaniittut ilaasortat kissaataat, aningaasaqarneq teknikkikkullu periarfissat tunngavigalugit toqqartugaapput.

Tilbage til toppen

Dekoderima kanalit HD-it sooq nuisissinnaanngilai?

Akissut: Nanoq Media-p kanalii HD-t tamarmik mpeg4-nngorlugit aallakaatinneqartarput. Tassa dekodereqartariaqarputit fjernsyneqarlutilluunniit mpeg4-mik tigooraasinaasumik. Mpeg4 KNR-ip aallakaatitsinermini atortagaata assigaa taamatullu Namminersorlutik Oqartussat kanalit akeqanngitsumik aallakaatitsittagai (DR1, DR2 aamma DR1 Ultra) taanna atorlugu aallakaatinneqartarlutik.

Dekoderit nutaanerusut fjernsynillu nutaanerusut tamangajammik mpeg4-mik tigooraassuteqarput – piginngikkaannilu pisiniarfinni fjernsyneerniartuni Nanoq Media-miluunniit pisiarineqarsinnaapput.

Tilbage til toppen

Neqeroorutit pigisakka akeqanngitsumik allanngortitersinnaavakka?

Aap, neqeroorutit akeqanngitsumik allanngortissinnaavatit.

Tilbage til toppen

Korti ikkussivinni nutaami sooq atorsinnaanngila?

Akissutaa: TV-kortit pisoqaavallaarsimavoq nutaamillu pisisariaqalersimavutit.

Tilbage til toppen

Akornuteqartillugu sumi takusinnaavara?

Aallakaatitsinerput ajoqquteqarnersoq paasissutissiivitsigut imaluunniit www.nuuktv.gl  alakkarterlugu takusinnaajuaannarpat.

Tilbage til toppen

Kanalit suut isiginnaarneqarsinnaappat

Kanaalit kanaalillu sorliit toqqagassaanersut uani atuarsinnaavatit.

Tilbage til toppen

Betalingsservice atorlugu akiliisalerniaruma qanoq iliussaanga?

Akiligassavit uannga isumagineqartalernissaa betalingsservice toqqarsinnaavat.

Tilbage til toppen

Nanoq Media qanoq kanalinik toqqaasarpa?

Kanalit Nanoq Media-p neqeroorutaaniittut ilaasortat kissaataat, aningaasaqarneq teknikkikkullu periarfissat tunngavigalugit toqqartugaapput.

Tilbage til toppen

Nanoq Media sulerisarpa?

Nanoq Media nunatsinni illoqarfiit pingaarnersaanni tv-kanaleqarpoq tassanilu ilaatigut nutaarsiassat ”18:45” & ”19:15” aallakaatittarlugit oqalugiarnernik, nipilersukkanik illoqarfimmilu pisartunik allanik aamma aallakaatitsisarluni. Illoqarfimmit nutaarsiassat ulluinnaat tamaasa nal. 18:45 takukkit, unnuk naallugu nalunaaqqutaq ataaseq qaangiukkaangat aallakaateqqinneqartarput – imaluunniit nutaarsiassat ullaakkut isiginnaakkit nal. 6:45, 7:45 imaluunniit 9:45.

Tilbage til toppen

TV korti qanoq akeqarpa?

TV korti 345,- koruuneqarpoq, taannalu ataasiarlugu akilerneqartussaavoq.

Tilbage til toppen

Isumaqatigiissut qanoq atorunnaarsissavara?

Qaammatip ingerlanerani ilaasortaajunnaaraanni qaammat tulliuttoq ilanngunneqassaaq.
Pisartagaqarnissamut piumasaqaatit uani takukkit.

Tilbage til toppen

Adressera allanngorpat kalerriissaanga?

Adressit allanngorpat Nanoq Media nalunaarfigissavat. Taamaasiussaatit immersugassaq una immersorlugu.
Nanoq Media  adressip allanngortinnerani akiliisitsineq ajorpoq.

Tilbage til toppen

TV kortima saniatigut allamik pisisinnaavunga?

TV kortivit saniatigut allamik pisisinnaavutit, taannali kortivit siulliup qaammammut akiatut akeqassaaq taamaattoq ilaasortaanermut akiliummik akiliuteqassanngilatit.
Akinut assersuutit:
Korti 1 + neqeroorut 3: qaammammut 499,- kr.-nit.
Kort 2 + neqeroorut 3: qaammammut 499,- kr.-nit ilaasortaanermut akiliut 75,- kr. ilanngunnagu.
Kortit marluk: qaammammut 923,- kr.-nit.

Card Splitterimik pisineq periarfissaavoq (Taannali Nanoq Media’mit isumagineqarneq ajorpoq).

Kortsplitter-i (Smartwi)

Atornissaanut najoqqutassat ataani tulleriiaakkat innersuussutigaavut.

1. http://smartwi.net/support/#timing
Tigooraasutip multi-user-imik atuineq pillugu aallakaatitat kingusinaartumik annguttarnerinut ’Timing test’ atorlugu misissuisinnaanissamut najoqqutassaq una innersuussisuuvoq. Conax-it Nanoq Media-p atugaanut tassani immikkut innersuussuteqarpoq.

2. http://smartwi.net/downloads-for-smartwi-l/
Conax-imik pitsaanerusumik atuinissamut Firmwareversion 2.52 r9 tulluarsagaavoq. Saqqummernera 2012-imi ulluligaavoq.

3. http://www.smartwi.net/download/SmartWi_Toolbox.pdf
Najoqqutassaq 2008-meersoq. Ajoqutaasumik tunngaviusumik ujaasinissamut kortillu iluarsinissaanut nassuiaataavoq.

Tilbage til toppen

Najugaqarfitsinni antennitta tigooraanera ajornartorsiutigaarput?

TV-utillit atortussaminnik namminneq pissarsiniartariaqartut Naalakkersuisut TV-p digitaliseererneqarneranut atatillugu siusinnerusumi nalunaarutigaat. Tassa antennet atorsinnaanissaat TV-utillit namminneq suliassaraat.

INI A/S-ip inissiaatiminni antennet aserfallatsaalisarunnaarlugit tusagassiuutinut nalunaaruteqarlutik paasissutissiipput – tamannalu tv-utillit namminneq suliassaraat.

Aallakaatitat iluamik isiginnaarsinnaanngikkaanni antennemik inip iluanut inissinneqarsinnaasumik pitsaasumik pisinissaq Nanoq Media-p kaammatuutigissavaa. Digitalinut antenne Nanoq Media-mi 300 koruunilerlugu pisiarineqarsinnaavoq.

Tilbage til toppen

TV3+ aamma TV3 Sport 2 soormitaavaana ilaanni tammartarpa? Aamma signali soormitaavaana minutsialunnik kingusinaaqqasartoq?

TV3+ aamma TV3 Sport 2 internettikkut tigoorarneqarpoq. Tele internettimik ajornartorsiuteqaleraangat aallakaatitatsinnut sunniuteqartarpoq.

”Kingusinaartarneranut” tunngatillugu teknikkikut ima aaqqitaavoq; aallakaatitat nassiussorneqartut 20-30 sekundit ingerlaneranni ”tigooraqqaartarpavut” ingerlateqqillugillu, taamaasiornikkut qameqattaarnanilu assitaa ajoquteqarpallaarneq ajorpoq. Kingusinaartittarunnaaraluarutsigu kanalini marlunni aallakaatittakkavut qameqattaarlutillu ajornerulissagaluarput.

Tilbage til toppen

Aallakaateqqitat filmillu ingerlaneranni pilerisaarutit qatsuppavut. Iliuuseqarfigisinnaavisigit?

Naagga. TV3-p, Kanal 5-mip, 6’eren-ip kanalillu allat aallakaatitsisarnerat pilerisaarusiortarnerallu Nanoq Media-ata sunniuteqarfigisinnaanngilai. Nanoq Media kanalinik ingerlatitseqqiinnartartuuvoq imaalu qanoq iliuuseqarfigisinnaanagit.

Tilbage til toppen

Kanalit isiginnaarusutat piniarlugit ataatsimoortunik sooruna toqqartuisoqarsinnaanngila?

Nanoq Media kanalinik piginnittunit arlalinnik piumaffigineqarpoq. Kanalit ataasiakkaarlugit aallakaatinneqartassanngitsut ilaatigut piumasaqaataavoq. Kanalit ataatsimoortut kanalinik sorlernik ilalerlugit aallakaatinneqartassanersut taakkunanilu kanalit sorliit kanalinut ataatsimoortunut ilaassanersut pillugit aalajangiisarneq piginnittut annertuumik sunniuteqarfigisarpaat. Taama kissaateqarneq Nanoq Media-ata malinngippagu kanalit akii qaffasinnerulissapput allaallu pisiarinissaat ajornarluinnarsinnaalluni.

Tilbage til toppen

Kanalit ataatsimoortut Danmarkimi akii sooruna taama appasinnerutigisut?

Akissut 1: Nanoq Media peqatigiiffeerannguuvoq 4.000-it missaannik ilaasortaqartoq. Taamaammat Danmarkimi aallakaatitsisartunut 4-500.000-inik ilaasortalinnut sanilliullugu isumaqatiginninniarnermi periarfissarlunneruvoq.

Akissut 2: Danmarkimi akigitinneqartunut sanillersuussissagaanni TV-licensimut akiliutip ilanngunnissaa eqqaamasariaqarpoq, taannalu qallunaat tv-kkut isiginnaartartut tamarmik akilertarpaat. Licensi maannakkorpiaq 201,17 koruunimik akeqarpoq inoqutigiillu tamarmik DR-ip kanalinik isiginnaartartut taanna akilertarlugu – kanalit taakkua Nanoq Media-p aallakaatittagaannut ilaapput.

Tilbage til toppen