Niuernermi ilaasortanullu piumasaqaatit

Foreningen Nanoq Media
GER nr. 13581797



Ilaasortaaneq:
Ilaasortanngornikkut akiliuteqarnikkullu Peqatigiiffiup Nanoq Mediap TV-ikut isiginnaagassiaataanik isiginnaarsinnaanissamut internet-imilluunniit tunisassianik atuisinnaanissamut isumaqatigiissuteqartoqartarpoq.

Ilaasortaanermi akitsuut:
•Ilaasortaanermi akitsuut tassaavoq TV-ikut isiginnaagassianut toqqarneqarsimasunut internet-ikkulluunniit tunisassianik atugassatut toqqarneqarsimasumut akiliut.

Ilaasortaanerup sivisussusaa:
TV-ikut isiginnaagassianut toqqarneqarsimasup internet-ikkulluunniit tunisassianik atugassatut toqqarneqarsimasup sivisussusissaatut (qaammatikkaartumik, qaammatit pingasukkaartumik ukiukkaartumik) toqqagaq aallaavigalugu ilaasortaaneq sivisussusilerneqartarpoq.

Ilaasortat:
Ilaasortat tassaapput peqatigiiffimmut Nanoq Media-mut ilaasortaanermut akiliuteqartartut.

Piffiit nassiussiviusartut:
Tassaapput piffiit Peqatigiiffimmit Nanoq Mediamit TV-ikkut Internet-ikkullu nassitsiviusinnaasut.

Kortit atorlugit akiliisarneq:
Kreditkortit Dankort/Visa-Dankort/Mastercard atorlugit akiliisoqarsinnaavoq. Kortit allat atorlugit akiliisoqarsinnaanngilaq.

Akit:
TV pakkimut, internet-imik tunisassianut, ilaasortaanermi akiliutinut, ammartitsinermi akiliutinut, TV kortinut il.il. tunngatillugu akit sukkuluunniit atuuttut.


Ilaasortaaneq:

Kalaallit Nunaanni inuit nammineersinnaasussillit nammineq angerlarsimaffik, suliffigisaq, ilinniartut ineqarfii, paaqqinnittarfiit tassungaluunniit assingusut sinnerlugit atsiorsinnaatitaasut ilaasortanngorsinnaapput.
Najugaqarfiit nassiussuiffiusinnaannginneri nassitsissutilluunniit teknikki patsisigalugu atorneqarsinnaatinnagit ilaasortanngorniartunik peqatigiiffik itigartitsisinnaavoq.

Peqatigiiffimmut ilaasortaanermi akiliutigisartakkat ingerlaavartumik akilerneqartartussanngorlugit isumaqatigiissutigineqarsinnaapput, ilaasortaanermilu akiliutaasartut ilaasortaajunnaarnissap tungaanut ingerlaannassapput.

Akiliutigisartakkatit allanngortinnissaat kissaatigigukku Nanoq Mediap nittartagaa aqqutigalugu tamanna nammineerluni isumagineqarsinnaavoq, Nanoq Medialluunniit allaffianut mail-imik nassitsinikkut sianernikkulluunniit pisinnaalluni.



Isumaqatigiissuteqarneq uppernarsaatillu:

Nanoq Mediami ilaasortaanermi akiliutissaq TV-mik isiginnaarnermi aamma/imaluunniit internetikkut tunisassianik atuinermi akiliutissamut ilaatillugu qaammatikkaartumik akilerneqartarpoq.

Ilaasortaanermi akiliut atuinerup aallartinneraniit akilerneqartartussaavoq, qaammammut, qaammatit pingasukkaarlugit ukiumoortumilluunniit sumut ilaasortaaneq apeqqutaalluni siumoortumik akilerneqartartussaalluni.



Inummut tunngatillugu paasissutissat suliarineqartarneri:

Peqatigiiffimmi ilasortanngornikkut paasissutissat nammineerlutit tunniussatit nalunaarsortarpagut, kreditkort-innulli tunngatillugu paasissutissat peqatigiiffiup takusinnaanngilai toqqornerlu ajorlugit.

Inunnut tunngatillugu paasissutissat pisinermut atatillugu atorneqarnerusarput, tassani inunnut tunngatillugu paasissutissat katersorneqartarmata. Paasissutissat tamatuma saniatigut tamanna pineqartunit akuerineqarsimatillugu suliffiup iluani atorneqartarput.
Paasissutissat eqqunngitsut nalunaarsorneqarsimappata maalaarutissaqaruilluunniit Nanoq Mediap allaffianut saaffiginneqquneqarputit. Illit pillutit paasissutissat sorliit nalunaarsorneqarsimaneri paasiniarsinnaavatit inunnut paasissutissat pillugit inatsimmilu allassimasut naapertorlugit maalaaruteqarsinnaatitaallutit.



Akiligassanik toqqaanartumik akiliuteqartarneq:

Peqatigiiffimmut akiligassatit Dankort/Visa-Dankort atorlugit toqqaanartumik akiliuteqartalernissamut qinnuteqarsinnaavutit. Aningaasat akiligassat akilerneqareernerisigut e-mail-it SMS-iluunniit aqqutigalugit akiliisimanernut uppernarsaammik nassinneqartassaatit.
Akiligassatit ilaasortanngornerit aallartiffigalugu kreditkort-inni kontonnit peqatigiiffimmit toqqaanartumik ilanngaatigineqartassapput.

Ilaasortatut toqqarsimasatit naapertorlugit aningaasat aalajangersimasut ilanngaatigineqartassapput.
Akiliutigisartakkannik nutaamik kortitaarsimaguit kortivilluunniit atortakkavit allanngortissimagukku peqatigiiffiup nittartagaanni imminut sullinnissamut nittartagaq aqqutigalugu paasissutissat allanngortissinnaavatit.

Akiligassatit pillugit maalaarutissaqaruit akiliiumanngikkuilluunniit peqatigiiffik attavigisinnaavat.
Ulloq akiliiffissaq kingulleq ullunik marlunnik sioqqullugu maalaaruteqaruit akiligassatit, maalaarutivit isummerfigineqarnissaata tungaanut, unitsikkallarsinnaavagut.

Paasissutissat kortinniittut peqatigiiffimmit toqqorneqarneq ajorput, taamaallaalli danskit akiligassanik isumaginnittartuinit Epay Payment Solutions-imit (Epay) toqqortaatigineqartarlutik taamaallaalli toqqortaatigineqartarlutik akiligassanik toqqaanartumik akiliuteqartarnerpit nalaanni.

Paasissutissat tamarmik isumannaatsumik nassiunneqartarput (SSL-paasiuminaallisarlugit).

Taamaattumik ilaasortanngorninnut atatillugu Epay-mut qarasaasiat aqqutigalugu akiliigaangavit kortinnut tunngatillugu paasissutissat susassaqanngitsunit takuneqarsinnaanngillat.

Peqatigiiffimmut ilisimatitsissutigineqarnikuuvoq Epay-mut akiliuteqartarnermi aqqutit PCI-mik tamakkiisumik nalunaaqqutserneqarnikuusut, isumannaatsumillu ingerlateqqinneqartartut, inuillu kortinik pigisartut pillugit paasissutissat allanit pissarsiarineqarsinnaaneri pitsaanerpaamik isumannaarneqarlutillu illersorneqartut.


Ilaasortaajunnaarneq allamulluunniit nuunneq:

Nanoq Media attavigineratigut ilaasortaajunnaartoqarsinnaavoq.

Ilaasortaanermi akiligassat akilerneqarsimatinnagit maleruagassat naapertorlugit peqatigiiffik ilaasortaajunnaarsitsisinnaavoq/ilaasortaanermilluunniit atorunnaarsitsisinnaavoq.

Najukkamut allamut nuunnermi nuuffigisarlu peqatigiiffiup aallakaatitaminik nassitsivigisartagaaniippat ilaasortaaneq najukkamut nutaamut nuunneqarsinnaavoq.



Peqqissimisinnaatitaaneq:

Nanoq Media-p inatsisit Atuisuunermut - Unammilleqatigiinnermullu aqutsisoqarfiup innersuussutai malippai.


Maleruagassat akillu:
Peqatigiiffiup maleruagassai akillu atuuttut una; www.nanoqmedia.gl aqqutigalugu takuneqarsinnaapputtaaq

Jens Kreutzmannip Aqqutaa 6
3900 Nuuk

+299 32 19 11 • kundeservice@nanoqmedia.gl

Ammasarfii

Ataasinngorneq 10-15  Marlunngorneq – Tallimanngorneq 9-15
Weekend-ini matoqqasarpoq.

Attavissat