Nuugaatsiami Illorsuarnilu avatagiisit isumannaallisarniarlugit saliisoqartussanngorpoq. Saliinissaq Qaasuitsup Kommuniata Issittullu Sakkutooqarfiata ataqatigiissaagaannik ikiortigiillutik pissaaq.
Uummannap sulluani qaqqaq sisoriaannaq navianarluinnaqqissaarpoq. Upalungaarsimanermullu ataatsimiititaliap innersuussutaat, Naalakkersuisut maanna tusaatissatut tiguaat, tassalu: Nuugaatsiarmiut Illorsuarmiullu suli qimagussimatinneqarnissaannik innersuussutaasoq:
Uummannap sulluani qaarsoq sooq sisusimanera maanna GEUS-imiit annertunerusumik ilisimaneqalerpoq. Qaqqap ujarartaa quppaatiternikoq Uummannap kangerluanut sammivoq, taamaasilluni immap tungaanaanut nakkariaanaalluni. Qaasortaq maanna sisoriaanaasoq taamaasilluni qaartinneqarnissaa innersuussutiginaguk.
