Danmarkimi Inuiaqatigiinnut kiffartuussiviup sivisunerpaamik atasup aallakaatitai assigiinngiiaaqisunik imallit, taakkununnga ilaallutik danskit tv-ikkut isiginnaagassiaat nangeqattaartut, piviusulersaarutit meeqqanullu aallakaatitassiat.

DR’ip kanaliisa arlaliusut aappaat kulturimik oqallitsitsinernillu samisaqarnerusoq. Sammisat aalajangersimasut arfininngornikkut sivisuunngorlugit aallakaatittarpaat tallimanngornikkullu danskisut aliikkusersuisoqartarluni.

DR Ramasjang qallunaat kanaleraat meeqqanut pingasuniit qulinut ukiulinnut naleqqussagaasoq. Meeqqat pingasuniit qulit tungaanut ukiullit isiginnaarsinnaavaat meeqqanilli arfineq-marluniit qulinut ukiulinnit aamma isiginnaarneqarsinnaalluni. Kanali ullut tamaasa nal. 6.00-19.00 aallakaatitsisarpoq.

Disney Channel, meeqqanut tv Danmarkimi nuannarineqarnerpaaq. Disney-p silarsuaannit tupinnaannartumit filmit pitsaanerpaat tassani takutinneqartarput. Filmit ilaatigut High School Musical, Biler aamma Junglebogen tassani isiginnaarneqarsinnaapput aammalu aallakaatitassiat nutaat soorlu Kim Possible aamma Hannah Montana.

Eurosport Europami kanalit timersornermik aallakaatitsisartut sallersaraat timersuutillu assigiinngiiaartut pillugit aallakaatitsisarluni nunarsuarmilu nuannarineqarnerpaanik tamakkiisumik aallakaatitsisarluni.

National Geographic Society-mit ukiuni 115-ini piusumit aallaaveqarpoq – oqaluttuat pitsaasut, ilumoortut uppernarsarneqarsinnaasullu tusaamasaassutigai. Aallakaatitat qallunaatut ataatigut allagartalersugaapput.

CNN International-ip isumassarsinartunik alakkaamasaqalersillutit misissuinerit nunallu tamat akornannit nutaarsiassanik aqagumut piareersaallutit nutaarsiassanik pilersorsinnaavaatit. Nutaarsiassat nunarsuup sinnerani pingaarutillit qaqukkulluunniit piumalleruit malinnaaffigisinnaasatit.

Aliikkutassat nuannersut, inuusaaseq pillugu aallakaatitat isumassaarsiffiusinnaasut, filmit nuannarineqartut nangeqattaartullu akissarsisinneqarsimasut. Kanali imaqarluartoq angutinit arnanillu isiginnaarneqarsinnaasoq.

TV3+ TV3-mut atavoq. Tassani isiginnaarneqarsinnaapput quiasaarusiat nangeqattaartut (Simpsons, The Office, How I Met Your Mother), timersorneq (arsaattuni Champions League, Superliga, sukkanniuttut Formel 1 aamma tilluunneq) aammali Amerikamiut filmiliaat.

TV3 kanaliuvoq nuannarineqarluartoq tassanilu aliikkusersuinerit piviusunillu immiussat sammineqartarput. Ilaatigut Amalies Verden, Fristet- Hvor langt vil du gå! Luksusfælden, 6 på date nuannarisaalluartorlu Paradise Hotel malittarineqarsinnaallutik. Tamakkua saniasigut pinerluttulersaarutit soorlu NCIS aamma Bones allallu pissanganartuliarpassuit aamma isiginnaarneqarsinnaapput.

TV3 SPORT timesornerinnarmik isiginnaarusuttunut kanaliuvoq tassanilu soorlu Champions Leaguemi arsaanneq, Superligami arsaanneq, NFL, Wimbledonimi tennisserneq, ishockeymik nunarsuarmi pissartanngorniunnerit, qallunaat ishockeyrtut, NHL kiisalu assammik-arsartut isiginnaarneqarsinnaapput.