Demokraatit kitaani immikkoortortaqarfiannit Michael Rosing ataasinnguamilluunniit anisitaasinnaanngilaq. Taama Demokraatit immikkoortortaqarfiisa annersaanni siulitaasuusoq, Tillie Martinussen oqarpoq.
Aalisartut, KNAPK-mi, aalisartut piniartullu kattuffianni ilaasortaasut Royal Greenlandimut nipisat suaannik tunisinerminnut aggornersiutisinissartik qilanaarutigisinnaavaat. Aalisartut aggornersianik koruunimik ataatsimik aammalu MSC-mik suannut akuersissummik pissarsisoqassappat ilassutitut koruunimik ataatsimik pissarsiaqarnissaat KNAPK-p aamma Royal Greenlandip isumaqatigiissuteqarnerisa kingorna tamanna pissaaq.
Sermitsiaq.ag-mi pisortaq Poul Krarup tusagassiornermut politikkimik ataatsimoorussamik ujartuivoq, aningaasanut inatsimmi aalajangiussinertigut namminersortutut tusagassiorfinni tusagassiortut sulisorisallu allat taamaallaat ukiut ataasiakkaanut qulakkeerneqartarnerat pissutigalugu.
Pulaarti: SIK’p siulittaasua, Jess G. Berthelsen
